FNP en Frysk

De FNP wrakselet mei de Fryske taal. Dat is in minne saak, want it Frysk soe in natuerlike kar weze kinne (moatte?) foar Frysk nasjonalisten. Dat is it lykwols blykber net. ‘Taal mei om my mear nei de eftergrûn’, seit FNP-foarsitter Ultsje Hosper der oer yn de Leeuwarder Courant fan 5 jannewaris.

De reden fyn ik wat plat. It tal sitten yn de Provinsjale Steaten waakst net oan en it Frysk soe foar nije stimmers wolris in obstakel wêze kinne. It belang fan de taal liket offere te wurden foar de hoop op ien of twa sitten.

Al mei al liket it ferlies fan de FNP foar it Frysk my in nij sinjaal dat it Frysk de ein fan de ieu net helje sil.​

---